Edition: unidentified
| Plautus, Amphitruo, Actus V Edition: unidentified | |
| (39) | |
| Actus V | |
| Scaena I. Bromia Amphitruo | |
| 1 | BROM. Spes atque opes vitae meae iacent sepultae in pectore, |
| 2 | neque ullast confidentia iam in corde, quin amiserim; |
| 3 | ita mihi videntur omnia, mare terra caelum, consequi, |
| 4 | iam ut opprimar, ut enicer. me miseram, quid agam nescio. |
| 5 | ita tanta mira in aedibus sunt facta. vae miserae mihi, |
| 6 | animo malest, aquam velim. corrupta sum atque absumpta sum. |
| 7 | caput dolet, neque audio, nec oculis prospicio satis, |
| 8 | nec me miserior femina est neque ulla videatur magis. |
| 9 | ita erae meae hodie contigit. nam ubi parturit, deos sibi invocat, |
| 10 | strepitus, crepitus, sonitus, tonitrus: ut subito, ut propere, ut valide tonuit! |
| 11 | ubi quisque institerat, concidit crepitu. ibi nescio quis maxuma |
| 12 | voce exclamat: ?Alcumena, adest auxilium, ne time: |
| 13 | et tibi et tuis propitius caeli cultor advenit. |
| 14 | exsurgite inquit qui terrore meo occidistis prae metu. |
ENABLE LINKS PER WORD Report an Error or Make a Suggestion | |