monumenta.ch > Thomas de Aquino > sectio 3

Word Selection for Searching

Report an Error in this Sectio
ST I-II 110.1 a3
Praeterea, ad Rom. I, super illud, 'gratia vobis et pax', dicit Glossa. Gratia, idest remissio peccatorum, sed remissio peccatorum non ponit in anima aliquid, sed solum in Deo, non imputando peccatum; secundum illud Psalmi XXXI, 'beatus vir cui non imputavit dominus peccatum'. Ergo nec gratia ponit aliquid in anima.