monumenta.ch > Seneca > sectio 14

Word Selection for Searching

Report an Error in this Sectio
Seneca, Epistulae, 67, 14
Hoc loco mihi Demetrius noster occurrit, qui vitam securam et sine ullis fortunae incursionibus mare mortuum vocat. Nihil habere ad quod exciteris, ad quod te concites, cuius denuntiatione et incursu firmitatem animi tui temptes, sed in otio inconcusso iacere non est tranquillitas: malacia est.