monumenta.ch > Donatus > sectio 4 > Hilduinus Sandionysianus > sectio 88 > Eusebius Caesariensis Hieronymus Stridonensis > sectio 31 > sectio 568 > sectio 38 > sectio 13 > sectio 19 > sectio 6

Word Selection for Searching

Report an Error in this Sectio
Petrus Blesensis, Epistulae, 24, 6
Suspirans ergo archidiaconus: Sic faciat mihi, inquit, Dominus, et hoc addat, antequam moriar, ut sic possim domino Cantuariensis, et ex corde hoc dicere, et opere adimplere. Suggerite, quaeso, domino archiepiscopo, ne clericum suum verbis provocet, aut minis exasperet, ne dum ligna cum proximo caeduntur in silva, ferrum de manubrio securis evadat , proximumque interimat. Ligna enim, teste Gregorio , caedimus, cum per increpationem proximi peccata succidimus; sed ferrum securis elabitur, proximumque occidit, dum contumeliosa correctio conscientiam proximi vulneratam a dilectionis spiritu in mortale odium vertit.