monumenta.ch > Landulfus Sagax > sectio 36
Word Selection for Searching
Report an Error in this Sectio
Landulfus Sagax, Historia miscella, 22, p1, 36
Hunc declamationibus sermonum honoravit sanctus Pater noster Ioannes, qui bene cognominatus est Chrysoroas, propter auream et fulgidam Spiritus sancti gratiam, quae in ipso tam verbo, quam in vitae actu effloruit, quem videlicet Constantinus impius imperator annuo propter eminentem orthodoxiam eius anathemati submittebat, et pro Mansur, quod eius avitum nomen est, quodque redemptus interpretatur, sensu Iudaico, novum Ecclesiae magistrum, Manseron mutato nomine vocitabat.