monumenta.ch > Gualterus de Castellione > sectio 1

Word Selection for Searching

Report an Error in this Sectio
Gualterus de Castellione, Alexandreis, 1, 1, 1
Gesta ducis Macedum, totum digesta per orbem
Quam large dispersit opes, quo milite Porum
Vicerit et Darium, quo principe Graecia victrix
Risit, et a Persis rediere tributa Corinthum,
Musa refer: qui si senio non fractus inermi
Pollice fatorum, nostros vixisset in annos,
Caesareos nunquam loqueretur fama triumphos,
Totaque Romuleae squaleret gloria gentis,
Praeradiaret enim meriti fulgore caminus
Igniculis, solisque sui palleret in ortu
Lucifer, et tardi languerent plaustra Bootae.