monumenta.ch > Florus Lugdunensis > sectio 15

Word Selection for Searching

Report an Error in this Sectio
Florus Lugdunensis, Liber adversus Ioannem Scotum, p19, p0, 15
In his verbis cum dicit: Errorem praedestinationis ex disciplinarum ignorantia, quas ipsa sapientia suas comites investigatricesque fieri voluit, et Graecarum litterarum inscitia ortum; auditores suos utique commonet ut ab eo, tanquam viro eruditissimo et philosophico, liberalium disciplinarum discant scientiam, fortassis etiam ut ab eo similiter discant Graecarum litterarum peritiam: affirmat namque quod ipsa sapientia quasi comites et sodales sibi coniunctas habeat easdem liberalium artium doctrinas, ita ut qui ad eius cognitionem voluerit pervenire, necessarias omnino habeat ipsas liberales disciplinas, ut per eas, quod verum est, possit investigare.