Edition: unidentified
| Statius, Thebais, Liber VI Edition: unidentified | |
| Synoptical Presentation with Other Manuscripts | ||
| bnf8055.63 Liber VI hab54.61 r-29 cb154.48v-8 bnf13046.68-a29 bnf10317.68-a19 bnf8052.29-a27 bnf8051.26-aa17 bmt808.83-6 | ||
| 582 | bnf13046.78 aethera, caeruleis tantus monstratur in undis. | |
| 583 | Proximus et forma nec multum segnior Idas | |
| 584 | cursibus atque aevo iuxta prior; attamen illi | |
| 585 | bnf10317.78 iam tenuem pingues florem induxere palaestrae, | |
| 586 | deserpitque genis nec se lanugo fatetur | |
| 587 | hab54.71 v intonsae sub nube comae. tunc rite citatos | |
| 588 | explorant acuuntque gradus, variasque per artes | |
| 589 | exstimulant docto languentia membra tumultu: | |
| 590 | poplite nunc sidunt flexo, nunc lubrica forti | |
| 591 | pectora collidunt plausu, nunc ignea tollunt | |
| 592 | crura brevemque fugam necopino fine reponunt. | |
| 593 | Ut ruit atque aequum submisit regula limen, | |
| 594 | corripuere leves spatium campoque refulsit | |
| 595 | nuda cohors: volucres isdem modo tardius arvis | |
| 596 | isse videntur equi; credas e plebe Cydonum | |
| 597 | Parthorumque fuga totidem exsiluisse sagittas. | |
| 598 | Non aliter, celeres Hyrcana per avia cervi | |
| 599 | bmt808.95 cum procul impasti fremitum accepere leonis | |
| 600 | sive putant, rapit attonitos fuga caeca metusque | |
| 601 | congregat, et longum dant cornua mixta fragorem. | |
| 602 | Effugit hic oculos rapida puer ocior aura | |
| 603 | cb154.56r Maenalius, quem deinde gradu premit horridus Idas | |
| 604 | inspiratque umero, flatuque et pectoris umbra | |
| 605 | terga premit. Post ambiguo discrimine tendunt | |
| 606 | Phaedimus atque Dymas, illis celer imminet Alcon. | |
| 607 | Flavus ab intonso pendebat vertice crinis | |
| 608 | Arcados; hoc primis Triviae pascebat ab annis | |
| 609 | munus et, Ogygio victor cum Marte redisset, | |
| 610 | nequiquam patriis audax promiserat aris. | |
| 611 | Tunc liber nexu lateque in terga solutus | |
| 612 | occursu Zephyri retro fugit et simul ipsum | |
| 613 | impedit infestoque volans obtenditur Idae. | |
| 614 | inde dolum iuvenis fraudique accommoda sensit | |
| 615 | tempora; iam finem iuxta, dum limina victor | |
| 616 | hab54.72 r Parthenopaeus init, correpto crine reductum | |
ENABLE LINKS PER WORD HIDE LINKS TO OTHER MANUSCRIPTS Report an Error or Make a Suggestion | ||
| |