Edition: J.-P. Migne PL68, Paris, 1847
| Arator, Epistola ad Florianum Edition: J.-P. Migne PL68, Paris, 1847 | |
| Synoptical Presentation with Other Manuscripts | ||
| Missing Text | ||
| medPlut.68.244.2 r bnf18554.55 v-10 bnf9347.58-a18 ... | ||
| (1) | Qui meriti florem, maturis sensibus ortum, Nominis ore tui iam, Floriane, tenes; Nam, primaevus adhuc, senibus documenta dedisti, E quibus in coelum vita pararet iter; Ad carmen concurre meum, pedibusque labanti Porrige de placido saepe favore manum. | |
| 2 | Ieiuno sermone quidem, sed pinguia gesta Scripsimus, ac pelagi pondere gutta fluit. | |
| 3 | Inter grandiloquos per mille volumina libros Maxima cum teneas, et breviora lege. | |
| 4 | Naturaeque modo, variam quam condidit Auctor, Concordent studiis celsa vel ima tuis. bnf18554.56 r | |
| 5 | Quae genuit tigres, quae nutrit terra leones, Formicis, apibus praebuit ipsa sinum. | |
| 6 | Et si respicias, dispenset ut omnia rector, Ingenium mites, vim meruere truces. | |
| 7 | Ipsaque continuum virtus infracta laborem Deserit, et varias quaerit habere vices. | |
ENABLE LINKS PER WORD HIDE LINKS TO OTHER MANUSCRIPTS Report an Error or Make a Suggestion | ||