monumenta.ch > Prosper Aquitanus > 100
Prosper Aquitanus, Epigrammata ex sententiis Augustini, XCIX [ Alias XCVI]. De iudiciis Dei. <<<     >>> CI [ Alias XCVIII]. De fine sanctorum.

C [ Alias XCVII]. De cohibenda ira. SHOW LINKS TO MANUSCRIPTS

1  Nulli irascenti ira sua videtur iniusta: unde ab omni indignatione cito redeundum est ad mansuetudinis lenitatem. 2  Nam pertinax motus facile in eius odium transit, cui non celeriter ignoscitur. 3  Nemo suae mentis motus non aestimat aequos,
Quodque volunt homines, se bene velle putant.
4  Unde animus celeri pace est revocandus ab ira:
Ne robur saevis tempora dent odiis.
5  Offensas sibimet parcentia corda remittant,
Nam nemo est qui non indigeat venia:
Quam nostri memores, mundi inter vana vicissim,
Omnibus in causis, et damus, et petimus.