monumenta.ch > Prosper Aquitanus > 98
Prosper Aquitanus, Epigrammata ex sententiis Augustini, XCVII [ Alias XCIV]. Nullam mali esse naturam. <<<     >>> XCIX [ Alias XCVI]. De iudiciis Dei.

XCVIII [ Alias XCV]. De petitionibus contrariis Deo. SHOW LINKS TO MANUSCRIPTS

1  Deus cum aliquid male poscitur, dando irascitur, non dando miseretur. 2  Cum Deus effectum precibus non praestat iniquis,
Multum concedit, quod nocitura negat.
3  Errantes voto non vult delinquere facto,
Iratus sineret, quod prohibet placidus.
4  Discat felici supplex gaudere repulsa,
Incipiatque animo pellere quod voluit.
5  Parcentemque Deum noscat sibi, cum ruiturus
Non exaudiri, ne rueret, meruit.