monumenta.ch > Prosper Aquitanus > 93
Prosper Aquitanus, Epigrammata ex sententiis Augustini, XCII [ Alias LXXXIX]. De non desperandis peccatoribus. <<<     >>> XCIV [ Alias XCI]. De bonis quae nemo amittit invitus.

XCIII [ Alias XC]. De quaerendis praesidiis in pace. SHOW LINKS TO MANUSCRIPTS

1  In tranquillitate pacis comprehendenda est doctrina sapientiae, quae inter tribulationum turbines difficulter agnoscitur. 2  Nec facile inveniuntur in adversitate praesidia, quae non fuerint in pace quaesita. 3  Dum non perturbant animum discrimina mundi,
Dumque diem pacis praelia nulla premunt;
Exercere fidem divinis convenit armis,
Consilioque omnes anticipare minas.
4  Tranquillam et curis vacuam sapientia mentem
Imbuet, et placidi pectoris hospes erit.
5  Nam quod non fuerit conceptum corde quieto,
Acquiri in saevo turbine non poterit.