monumenta.ch > Prosper Aquitanus > 92
Prosper Aquitanus, Epigrammata ex sententiis Augustini, XCI [ Alias LXXXVIII]. De causis incognitis operum Dei. <<<     >>> XCIII [ Alias XC]. De quaerendis praesidiis in pace.

XCII [ Alias LXXXIX]. De non desperandis peccatoribus. SHOW LINKS TO MANUSCRIPTS

1  Non est desperandum de malis, sed pro ipsis, ut boni fiant, studiosius supplicandum. 2  Quia numerus sanctorum de numero semper est auctus impiorum. 3  Ut morbo oppressis praestanda est cura medendi,
Donec in aegroto corpore vita manet;
Sic pravis, multa et vitiorum mole gravatis,
Sanctarum pietas est adhibenda precum.
4  Ut dum possibile est mutari corda malorum,
Horrescat noctis devia lucis amor,
Conversisque novam mentem det gratia Christi,
Qua fiunt homines iustificante boni.