monumenta.ch > Prosper Aquitanus > 90
Prosper Aquitanus, Epigrammata ex sententiis Augustini, LXXXIX [ Alias LXXXVI]. De martyribus non baptizatis. <<<     >>> XCI [ Alias LXXXVIII]. De causis incognitis operum Dei.

XC [ Alias LXXXVII]. De venia, qua etiam iusti indigent. SHOW LINKS TO MANUSCRIPTS

1  Iustitia nostra, quamvis vera sit, propter verum boni finem ad quem refertur, tamen tanta est in hac vita, ut potius remissione peccatorum constet quam perfectione virtutum. 2  Magna quidem in multis est excellentia sanctis,
Quorum animos superi gratia roris alit.
3  Sed dum mens quaedam patitur mala corporis aegri,
Et pugnam interius exteriora movent;
Numquam ita perfecto capitur victoria bello,
Vera ut securus pace fruatur homo.
4  Inter discordes motus contagia serpunt,
Ipsaque virtutum gaudia vulnus habent.
5  Ut faciat cunctis longa experientia notum,
Non esse hoc plenam tempore iustitiam:
Ni Dominus miserando lavet delicta suorum;
Et dans virtutum munera, det veniam.