monumenta.ch > Prosper Aquitanus > 88
Prosper Aquitanus, Epigrammata ex sententiis Augustini, LXXXVII [ Alias LXXXIV]. De diligendo Deum. <<<     >>> LXXXIX [ Alias LXXXVI]. De martyribus non baptizatis.

LXXXVIII [ Alias LXXXV]. De adulationis vitio. SHOW LINKS TO MANUSCRIPTS

1  Adulantium linguae alligant animas in peccatis. 2  Delectat enim ea facere, in quibus non solum non metuitur reprehensor, sed etiam laudator auditur. 3  Lingua assentatrix vitium peccantis acervat,
Et delectatum crimine laude ligat.
4  Nulla sit ut lapso reparandae cura salutis,
Blanditur sonti dum malesuasus honor.
5  Libera sit potius vox correctoris amici,
Serpere nec fibris caeca venena sinat.
6  Nec credens medici verbis fallacibus aeger,
Noxia laudatae vulnera pestis amet.