monumenta.ch > Prosper Aquitanus > 81
Prosper Aquitanus, Epigrammata ex sententiis Augustini, LXXX [ Alias LXXVII]. De mali impunitate. <<<     >>> LXXXII [ Alias LXXIX]. Quid hominem Deo iungat.

LXXXI [ Alias LXXVIII]. De gaudio recto. SHOW LINKS TO MANUSCRIPTS

1  Non potest umquam fraudari delectationibus suis, cui Christus est gaudium. 2  Aeterna enim exsultatio est quae bono laetatur aeterno. 3  Felices fere faciunt, semperque beatos,
De vero et summo gaudia nata bono.
4  Nam mundi ex opibus brevis ac peritura voluptas,
Edita perpetuae semina mortis habet.
5  Non placeat vanis animum submittere rebus,
Pestiferisque avidam mentem onerare cibis.
6  Cor mundum et sapiens fructu virtutis alatur,
Et Christi in nostro pectore regnet amor,
Quo semel impletus, numquam vacuabitur illo.
7  Aeterna aeterni flumina fontis erunt.