monumenta.ch > Prosper Aquitanus > 73
Prosper Aquitanus, Epigrammata ex sententiis Augustini, LXXII [ Alias LXIX]. De sacramentorum perceptione. <<<     >>> LXXIV [ Alias LXXI]. De acceleranda conversione.

LXXIII [ Alias LXX]. De laudando Deum. SHOW LINKS TO MANUSCRIPTS

1  Qui laudat Deum in miraculis beneficiorum, laudet etiam in terroribus ultionum. 2  Nam et blanditur, et minatur. 3  Si non blandiretur, nulla esset exhortatio; si non minaretur, nulla esset correctio. 4  Qui laudat Dominum de mundi conditione,
Et rerum in specie praedicat artificem,
Laudet et aeternam mortem, flammasque minantem,
Et iusti Regis iudicium metuat.
5  Spes de promissis nihil ambigat; omne dabit Rex
Quod parat, et meritis gratia maior erit;
Si properent sontes peccati abrumpere nodos,
Ante diem mortis, dum locus est veniae.