monumenta.ch > Prosper Aquitanus > 59
Prosper Aquitanus, Epigrammata ex sententiis Augustini, LVIII. De principali rerum omnium causa. <<<     >>> LX. De gaudio Christiani.

LIX. De finibus bonorum et malorum. SHOW LINKS TO MANUSCRIPTS

1  Eam Deus innocentiam probat, qua homo non metu poenae fit innocens, sed amore iustitiae. 2  Nam qui timore non peccat, quamvis non noceat cui vult nocere, sibi tamen plurimum nocet, et abstinens ab iniquo opere, sola tamen reus est voluntate. 3  Scire volens, in qua rerum sis parte locandus,
Discute quid timeas, quidve sit id quod amas.
4  Nam cuncti hoc gemino nascuntur fomite motus,
Respondentque suis germina principiis.
5  Et quod quisque bonum sibi tempore duxit in isto,
Hoc summi Regis iudicio capiet.