monumenta.ch > Prosper Aquitanus > 56
Prosper Aquitanus, Epigrammata ex sententiis Augustini, LV. De essentia Deitatis. <<<     >>> LVII. De intemporali opere Dei.

LVI. Quales nos diligat Deus. SHOW LINKS TO MANUSCRIPTS

1  Tales nos amat Deus, quales futuri sumus ipsius dono; non quales sumus nostro merito. 2  Tales a Domino, quales formamur, amamur;
Non quales nostris exstitimus meritis.
3  Sanctificet, doceat, plantet, riget, excolat, ornet:
Et sibi perpetuo quod placeat, faciat.
4  Nam nihil est hominis, quod digne possit amari,
Perficiat proprium ni bonus auctor opus.