monumenta.ch > Prosper Aquitanus > 52
Prosper Aquitanus, Epigrammata ex sententiis Augustini, LI. De puritate quam non perdit invitus. <<<     >>> LIII. De humilitate iustorum.

LII. De fortitudine tolerantiae. SHOW LINKS TO MANUSCRIPTS

1  Maior animus merito dicendus est, qui vitam aerumnosam magis eligit ferre quam fugere; et humanum iudicium, maximeque vulgare, quod plerumque caligine erroris involvitur, prae conscientiae luce ac puritate, contemnere. 2  Qui valet adversis oneratam ducere vitam,
Et tolerare magis vult mala, quam fugere,
Maioris multo est animi, quam ferre pavescens
Indocti iniustum iudicium populi.
3  Mens etenim recta, et puri sibi conscia cordis,
Hoc plus splendescit, quo magis atteritur.