monumenta.ch > Prosper Aquitanus > 49
Prosper Aquitanus, Epigrammata ex sententiis Augustini, XLVIII. De superbia. <<<     >>> L. De morte sanctorum.

XLIX. De impari usu fortunae. SHOW LINKS TO MANUSCRIPTS

1  Interest plurimum qualis sit usus, vel earum rerum quae prosperae dicuntur, vel earum quae dicuntur adversae. 2  Nam bonus temporalibus nec bonis extollitur, nec malis frangitur; malus autem ideo huiusmodi infelicitate punitur, quia felicitate corrumpitur. 3  In rebus mundi non idem est omnibus usus,
Nec cuncti paribus cuncta ferunt animis.
4  Namque bonos non blanda inflant, non aspera frangunt.
5  Sed fidei invictae gaudia vera iuvant.
6  Terrae autem, et feni breviter florentis amator
Seu caret optatis, seu fruitur, miser est.