monumenta.ch > Prosper Aquitanus > 39
Prosper Aquitanus, Epigrammata ex sententiis Augustini, XXXVIII. De lege charitatis. <<<     >>> XL. De intemporali scientia Dei.

XXXIX. De iussionibus Dei.

1  Nihil Deus iubet quod sibi prosit, sed illi cui iubet. 2  Ideo verus est Dominus, qui servo non indiget, et quo servus indiget. 3  Non ideo quidquam mandat Deus, ut sibi prosit,
Nec servi officio verus eget Dominus.
4  Cuius praeceptis augetur qui famulatur,
Fitque minor quisquis negligit imperium.
5  Nam Deus omnipotens, simul omnitenensque potestas,
Nil perdit proprium, nil capit occiduum.
6  Numquam non habuit quod habet, dans quidquid haberi
Proderit, et sumens non nisi quod dederit.