monumenta.ch > Prosper Aquitanus > 36
Prosper Aquitanus, Epigrammata ex sententiis Augustini, XXXV. De toleranda varietate mundana. <<<     >>> XXXVII. De aeternis gaudiis.

XXXVI. De aedificatione domus Dei. SHOW LINKS TO MANUSCRIPTS

1  Omnis sancti aedificii status, sicut Deo cooperante proficit, ita Deo custodiente consistit. 2  Quoniam utilis praepositorum custodia est, cum Spiritus Dei populo suo praesidet, et non solum greges, sed etiam ipsos dignatur custodire pastores. 3  Cum lapides vivi pacis compage ligantur,
Inque pares numeros convenit una domus,
Claret opus Domini, qui totam construit aulam.
4  Effectumque piis dat studiis hominum.
5  Quorum perpetui decoris structura manebit,
Si perfecte auctor protegat, atque regat.