monumenta.ch > Prosper Aquitanus > 26
Prosper Aquitanus, Epigrammata ex sententiis Augustini, XXV. De amore legis. <<<     >>> XXVII. De proficiendo.

XXVI. De scrutandis mandatis Dei. SHOW LINKS TO MANUSCRIPTS

1  Mandata Dei scrutari nisi quieta mens non potest. 2  Ut ergo religiosum exerceatur studium, abigenda sunt iurgia malignorum. 3  Scrutari legem possunt utcumque quieti,
Si mundi a strepitu libera corda vacent.
4  Ut mens ergo piis studiis intenta iuvetur,
Praelia divinus carnea vincat amor.
5  Nam templum Domini per sacra silentia crescit,
Et tacite struitur non ruitura domus.