monumenta.ch > Prosper Aquitanus > 24
Prosper Aquitanus, Epigrammata ex sententiis Augustini, XXIII. De passionibus sanctorum. <<<     >>> XXV. De amore legis.

XXIV. De scientia boni. SHOW LINKS TO MANUSCRIPTS

1  Non est vera scientia boni, nisi ad hoc comprehendatur, ut agatur. 2  Non enim utiliter meditatur legem Dei, qui laborat ut memoria teneat quod actione non implet. 3  Scit legem, docteque tenet iussa Omnipotentis,
Qui quod novit agens, diligit id quod agit.
4  Non satis est Domini praeceptum volvere lingua:
Is meminit legis, qui memor est operis.