monumenta.ch > Prosper Aquitanus > 23
Prosper Aquitanus, Epigrammata ex sententiis Augustini, XXII. De adiutorio Dei. <<<     >>> XXIV. De scientia boni.

XXIII. De passionibus sanctorum. SHOW LINKS TO MANUSCRIPTS

1  Iusto iudicio Dei datur plerumque peccatoribus optata potestas qua sanctos ipsius persequantur, ut qui Spiritu Dei iuvantur et aguntur, fiant per laborum exercitia clariores. 2  Quod plerumque mali in sanctos saevire sinuntur,
Quodque bonis pravi saepe nocere queunt;
Absque Dei nutu non fit, qui corda suorum,
His etiam bellis glorificanda probat.
3  Crescunt virtutum palmae, crescuntque coronae,
Mutantur mundi praelia pace Dei.