monumenta.ch > Prosper Aquitanus > 21
Prosper Aquitanus, Epigrammata ex sententiis Augustini, XX. De praemio Christianae religionis. <<<     >>> XXII. De adiutorio Dei.

XXI. De occultis non iudicandis. SHOW LINKS TO MANUSCRIPTS

1  De occultis cordis alieni temere iudicare peccatum est; et eum cuius non videntur opera nisi bona, ex suspicione reprehendere iniquum est. 2  Cum eorum quae homini sunt incognita solus Deus iudex sit iustus, qui et inspector est verus. 3  Culpare in quoquam quae non sunt nota, malignum est,
Praesertim si quae cognita sunt bona sunt.
4  Non pateant faciles saevis rumoribus aures.
5  Quae nescire iuvat, credere non libeat.
6  Linquantur secreta Deo, qui si quid opertum est
Inspicit, et nullis indiget indiciis.