monumenta.ch > Prosper Aquitanus > 16
Prosper Aquitanus, Epigrammata ex sententiis Augustini, XV. De vovendo Deo. <<<     >>> XVII. De supernae patriae civibus.

XVI. De iustitia et gratia. SHOW LINKS TO MANUSCRIPTS

1  Duae sunt retributiones iustitiae, cum aut bona pro bonis, aut mala redduntur pro malis. 2  Tertia est retributio gratiae, cum per regenerationem remittuntur mala, et retribuuntur bona. 3  Atque ita manifestatur quia universae viae Domini misericordia et veritas. 4  Illam autem impiorum retributionem, qua pro bonis mala restituunt, Deus nescit; qui nisi retribueret bona pro malis, non essent quibus retribueret bona pro bonis. 5  Iustitiae merces gemina est, vel cum bona rectis,
Vel pravis digne cum mala restituit.
6  Salvatrix autem cunctorum gratia Christi,
Non pensans meritum, diluit omne malum.
7  Credentesque omnes renovans baptismate sacro,
Dat bona, quae propter det meliora bonis.