monumenta.ch > Prosper Aquitanus > 10
Prosper Aquitanus, Epigrammata ex sententiis Augustini, IX. De quaerendo Deo. <<<     >>> XI. De bonorum et malorum finibus.

X. De fastidio spiritali. SHOW LINKS TO MANUSCRIPTS

1  Sicut corpori noxium est corpoream escam non posse percipere, ita animae periculosum est spiritales delicias fastidire. 2  Ut perdunt propriam mortalia corpora vitam,
Si nequeunt escas sumere corporeas:
Sic animae, nisi deliciis rationis alantur.
3  Dum Verbi aeterni pane carent, pereunt.
4  Nam quid erit quod dira procul fastidia pellat,
Cum se ipso refugit mens saturare Deo?