monumenta.ch > Prosper Aquitanus > 8
Prosper Aquitanus, Epigrammata ex sententiis Augustini, VII. De virtute charitatis. <<<     >>> IX. De quaerendo Deo.

VIII. De doctrina apostolica. SHOW LINKS TO MANUSCRIPTS

1  Doctrina apostolica tam salubris tamque vitalis est, ut pro capacitate utentium neminem sui relinquat exsortem. 2  Quia sive sint parvuli, sive magni, sive infirmi, sive fortes, habent in ea et unde alantur, et unde satientur. 3  Exueret Deus ut tetra caligine mundum,
Doctrinae accendit lumen apostolicae:
Quae nullis animis, nullis non congruit annis,
Lacte rigans parvos, pane cibans validos.
4  Non tempus, non sexus huic, non causa resistit,
Omnes curat, alit, iustificat, vegetat.
5  Sumite quae magnae apposuit Sapientia mensae,
Et variis pasci discite deliciis.
6  Quarum pars totum est epulum, et quo quisque iuvatur,
Inde capit vitam, quam parit una fides.