monumenta.ch > Prosper Aquitanus > 5
Prosper Aquitanus, Epigrammata ex sententiis Augustini, IV. De patientia Dei. <<<     >>> VI. De vera Dei laudatione.

V. De ultione Dei. SHOW LINKS TO MANUSCRIPTS

1  Divina bonitas ideo maxime irascitur in hoc saeculo, ne irascatur in futuro: et misericorditer adhibet temporalem severitatem, ne aeternam iuste inferat ultionem. 2  Cum Deus exserta peccantes verberat ira,
Ut norint homines quid mereantur agit.
3  Nam dum mortalis peraguntur tempora carnis,
Auxilium miseris ipsa flagella ferunt.
4  Et vindicta brevis sic noxia crimina finit:
Ne sine fine habeat debita poena reos.