monumenta.ch > Prosper Aquitanus > Praefatio.
>>> Prosper Aquitanus, Epigrammata ex sententiis Augustini, I. Quae sit vera innocentia.

Praefatio. SHOW LINKS TO MANUSCRIPTS

1  Dum sacris mentem placet exercere loquelis,
Coelestique animum pascere pane iuvat:
Quosdam, ceu prato, libuit decerpere flores,
Distinctisque ipsos texere versiculis.
2  Ut proprias canerent epigrammata singula causas,
Et pars quaeque suo congrueret titulo.
3  Nec nostrae hoc opis est, sed ab illo sumitur hic ros,
Qui siccam rupem fundere iussit aquas.
4  Ut quod in affectum cordis, pietate magistra,
Venerit, hoc promat carmine laeta fides.