monumenta.ch > Pelagius I > inter caetera.
Pelagius I, Epistolae, FRAGMENTA EPISTOLARUM PELAGII I.( Ex Collectione Deusdedit. ) <<<     >>> Pelagius Mauro episcopo Praenestino, inter caetera.

Pelagius Melleo subdiacono, inter caetera.

1  Notariorum sedis nostrae insinuatione didicimus, nullius indictionis a tempore quo tibi primum Ecclesiae patrimonium constat esse commissum, usque hactenus ratiocinia sunt decissa, et ea sint necessario dispungenda, ut quid ecclesiasticis utilitatibus debeatur, vel quid a quoquam usurpatum sit, fidei inspectione cognoscere valeamus; et tu, vel haeredes tui in futuro tempore securitate plenaria communiti, nullas possitis inquietudines sustinere.