| 1 | Icci, beatis nunc Arabum invides |
| 2 | gazis et acrem militiam paras |
| 3 | non ante devictis Sabaeae |
| 4 | regibus horribilique Medo |
| 5 | nectis catenas? Quae tibi virginum |
| 6 | sponso necato barbara serviet? |
| 7 | puer quis ex aula capillis |
| 8 | ad cyathum statuetur unctis, |
| 9 | doctus sagittas tendere Sericas |
| 10 | vad312.15v arcu paterno? Quis neget arduis |
| 11 | uldBPL28.25 pronos relabi posse rivos |
| 12 | montibus et Tiberim reverti, |
| 13 | csg864.34 cum tu coemptos undique nobilis |
| 14 | cbo88.15r libros Panaeti Socraticam et domum |
| 15 | mutare loricis Hiberis, |
| 16 | pollicitus meliora, tendis? |