| 1 | Velox amoenum saepe Lucretilem |
| 2 | mutat Lycaeo Faunus et igneam |
| 3 | defendit aestatem capellis |
| 4 | usque meis pluviosque ventos. |
| 5 | Inpune tutum per nemus arbutos |
| 6 | bnf7975.14 quaerunt latentis et thyma deviae |
| 7 | olentis uxores mariti |
| 8 | nec viridis metuunt colubras |
| 9 | bnf7971.18 nec Martialis haediliae lupos, |
| 10 | bnf16689.18 utcumque dulci, Tyndari, fistula |
| 11 | valles et Usticae cubantis |
| 12 | levia personuere saxa. |
| 13 | cbo88.10v Di me tuentur, dis pietas mea |
| 14 | et Musa cordi est. Hic tibi copia |
| 15 | manabit ad plenum benigno |
| 16 | ruris honorum opulenta cornu; |
| 17 | hic in reducta valle Caniculae |
| 18 | csg864.25 bnf7977.18 vitabis aestus et fide Teia |
| 19 | bav1655.11 v dices laborantis in uno |
| 20 | Penelopen vitreamque Circen; |
| 21 | bnf8214.7 v hic innocentis pocula Lesbii |
| 22 | uldBPL28.21 bnf9345.8 r duces sub umbra nec Semeleius |
| 23 | cum Marte confundet Thyoneus |
| 24 | proelia nec metues protervum |
| 25 | bnf7972.14 suspecta Cyrum, ne male dispari |
| 26 | incontinentis iniciat manus |
| 27 | vad312.11r cbo90.89r et scindat haerentem coronamcbo89.6r |
| 28 | crinibus inmeritamque vestem. |