| 1 | Fuitne verus ignis, qui Moysi in rubo apparuit, et rubum non combussit, vel qui in monte Sinai resplenduit, vel qui in die Pentecostes super discipulos in linguarum modum cecidit, vel qui super caput Martini sacramenta celebrantis apparuit? |
| 2 | SOLUTIO |
| 3 | Ignis qui Moysi de medio rubi flammantis, et non ardentis, visus est, Spiritus sanctus credendus est; scintillae vero prosilientes, diversarum dona virtutum. Varia quidem huius ignis apparitio, nequaquam de superiorum elementorum coruscatione descendit. Sed de igne qui vita est, et qui sibi adhaerentia non exurendo dissipat, sed vivificando confirmat. |