QUAESTIO IV SHOW APPARATUS
| 1 | Quo genere locutionis usus est Deus, et in qua specie primo homini apparuit, cum praeceptum ei dedit, et in qua, cum post peccatum in paradiso deambulavit? |
| 2 | SOLUTIO |
| 3 | Omnipotens Deus angelicis verbis Adae locutus est, quae ipse bene cognovit et intellexit. Per sapientiam enim suam quam a Deo acceperat, et per spiritum prophetiae omnes linguas, quae per homines postmodum inventae sunt, tunc in scientia sua habuit, ac naturas omnium creaturarum ad plenum novit. |
| 4 | Dominus etiam cum inaestimabili claritate ipsi apparuit in qua nullius creaturae forma fuit, et iterum post peccatum deambulans in paradiso, in flamma ignis apparuit. |