Caput 55 HIDE LINKS TO MANUSCRIPTS HIDE TRANSLATION LINKS
| 1 | o omnes sitientes venite ad aquas et qui non habetis argentum properate emite et comedite venite emite absque argento et absque ulla commutatione vinum et lac |
| Translate this sectio |
| 2 | quare adpenditis argentum non in panibus et laborem vestrum non in saturitate audite audientes me et comedite bonum et delectabitur in crassitudine anima vestra |
| Translate this sectio |
| 3 | inclinate aurem vestram et venite ad me audite et vivet anima vestra et feriam vobis pactum sempiternum misericordias David fideles |
| Translate this sectio |
| 4 | ecce testem populis dedi eum ducem ac praeceptorem gentibus |
| Translate this sectio |
| 5 | ecce gentem quam nesciebas vocabis et gentes quae non cognoverunt te ad te current propter Dominum Deum tuum et Sanctum Israhel quia glorificavit te |
| Translate this sectio |
| 6 | quaerite Dominum dum inveniri potest invocate eum dum prope est |
| Translate this sectio |
| 7 | derelinquat impius viam suam et vir iniquus cogitationes suas et revertatur ad Dominum et miserebitur eius et ad Deum nostrum quoniam multus est ad ignoscendum |
| Translate this sectio |
| 8 | non enim cogitationes meae cogitationes vestrae neque viae vestrae viae meae dicit Dominus |
| Translate this sectio |
| 9 | quia sicut exaltantur caeli a terra sic exaltatae sunt viae meae a viis vestris et cogitationes meae a cogitationibus vestris |
| Translate this sectio |
| 10 | et quomodo descendit imber et nix de caelo et illuc ultra non revertitur sed inebriat terram et infundit eam csg42.90 et germinare eam facit et dat semen serenti et panem comedenti |
| Translate this sectio |
| 11 | sic erit verbum meum quod egredietur de ore meo non revertetur ad me vacuum sed faciet quaecumque volui et prosperabitur in his ad quae misi illud |
| Translate this sectio |
| 12 | quia in laetitia egrediemini et in pace deducemini montes et colles cantabunt coram vobis laudem et omnia ligna regionis plaudent manu |
| Translate this sectio |
| 13 | pro saliunca ascendet abies et pro urtica crescet myrtus et erit Dominus nominatus in signum aeternum quod non auferetur |
| Translate this sectio |