Caput 3 HIDE TRANSLATION LINKS
| 1 | puer autem Samuhel ministrabat Domino coram Heli et sermo Domini erat pretiosus in diebus illis non erat visio manifesta |
| Translate this sectio |
| 2 | factum est ergo in die quadam Heli iacebat in loco suo et oculi eius caligaverant nec poterat videre |
| Translate this sectio |
| 3 | lucerna Dei antequam extingueretur Samuhel autem dormiebat in templo Domini ubi erat arca Dei |
| Translate this sectio |
| 4 | et vocavit Dominus Samuhel qui respondens ait ecce ego |
| Translate this sectio |
| 5 | et cucurrit ad Heli et dixit ecce ego vocasti enim me qui dixit non vocavi revertere dormi et abiit et dormivit |
| Translate this sectio |
| 6 | et adiecit Dominus vocare rursum Samuhel consurgensque Samuhel abiit ad Heli et dixit ecce ego quia vocasti me qui respondit non vocavi te fili mi revertere et dormi |
| Translate this sectio |
| 7 | porro Samuhel necdum sciebat Dominum neque revelatus fuerat ei sermo Domini |
| Translate this sectio |
| 8 | et adiecit Dominus et vocavit adhuc Samuhel tertio qui consurgens abiit ad Heli |
| Translate this sectio |
| 9 | et ait ecce ego quia vocasti me intellexit igitur Heli quia Dominus vocaret puerum et ait ad Samuhel vade et dormi et si deinceps vocaverit te dices loquere Domine quia audit servus tuus abiit ergo Samuhel et dormivit in loco suo |
| Translate this sectio |
| 10 | et venit Dominus et stetit et vocavit sicut vocaverat secundo Samuhel Samuhel et ait Samuhel loquere quia audit servus tuus |
| Translate this sectio |
| 11 | et dixit Dominus ad Samuhel ecce ego facio verbum in Israhel quod quicumque audierit tinnient ambae aures eius |
| Translate this sectio |
| 12 | in die illo suscitabo adversum Heli omnia quae locutus sum super domum eius incipiam et conplebo |
| Translate this sectio |
| 13 | praedixi enim ei quod iudicaturus essem domum eius in aeternum propter iniquitatem eo quod noverat indigne agere filios suos et non corripuit eos |
| Translate this sectio |
| 14 | idcirco iuravi domui Heli quod non expietur iniquitas domus eius victimis et muneribus usque in aeternum |
| Translate this sectio |
| 15 | dormivit autem Samuhel usque mane aperuitque ostia domus Domini et Samuhel timebat indicare visionem Heli |
| Translate this sectio |
| 16 | vocavit ergo Heli Samuhelem et dixit Samuhel fili mi qui respondens ait praesto sum |
| Translate this sectio |
| 17 | et interrogavit eum quis est sermo quem locutus est ad te oro te ne celaveris me haec faciat tibi Deus et haec addat si absconderis a me sermonem ex omnibus verbis quae dicta sunt tibi |
| Translate this sectio |
| 18 | indicavit itaque ei Samuhel universos sermones et non abscondit ab eo et ille respondit Dominus est quod bonum est in oculis suis faciat |
| Translate this sectio |
| 19 | crevit autem Samuhel et Dominus erat cum eo et non cecidit ex omnibus verbis eius in terram |
| Translate this sectio |
| 20 | et cognovit universus Israhel a Dan usque Bersabee quod fidelis Samuhel propheta esset Domini |
| Translate this sectio |
| 21 | et addidit Dominus ut appareret in Silo quoniam revelatus fuerat Dominus Samuheli in Silo iuxta verbum Domini et evenit sermo Samuhelis universo Israheli |
| Translate this sectio |