Caput 3 HIDE LINKS TO MANUSCRIPTS HIDE TRANSLATION LINKS
| 1 | sed et serpens erat callidior cunctis animantibus terrae quae fecerat Dominus Deus qui dixit ad mulierem cur praecepit vobis Deus ut non comederetis de omni ligno paradisi |
| Translate this sectio |
| 2 | cui respondit mulier de fructu lignorum quae sunt in paradiso vescemur |
| Translate this sectio |
| 3 | de fructu vero ligni quod est in medio paradisi praecepit nobis Deus ne comederemus et ne tangeremus illud ne forte moriamur |
| Translate this sectio |
| 4 | dixit autem serpens ad mulierem nequaquam morte moriemini |
| Translate this sectio |
| 5 | scit enim Deus quod in quocumque die comederitis ex eo aperientur oculi vestri et eritis sicut dii scientes bonum et malum |
| Translate this sectio |
| 6 | vidit igitur mulier quod bonum esset lignum ad vescendum et pulchrum oculis aspectuque delectabile et tulit de fructu illius et comedit deditque viro suo qui comedit |
| Translate this sectio |
| 7 | et aperti sunt oculi amborum cumque cognovissent esse se nudos consuerunt folia ficus et fecerunt sibi perizomata |
| Translate this sectio |
| 8 | et cum audissent vocem Domini Dei deambulantis in paradiso ad auram post meridiem abscondit se Adam et uxor eius a facie Domini Dei in medio ligni paradisi |
| Translate this sectio |
| 9 | vocavitque Dominus Deus Adam et dixit ei ubi es |
| Translate this sectio |
| 10 | qui ait vocem tuam audivi in paradiso et timui eo quod nudus essem et abscondi me |
| Translate this sectio |
| 11 | cui dixit quis enim indicavit tibi quod nudus esses nisi quod ex ligno de quo tibi praeceperam ne comederes comedisti |
| Translate this sectio |
| 12 | dixitque Adam mulier quam dedisti sociam mihi dedit mihi de ligno et comedi |
| Translate this sectio |
| 13 | et dixit Dominus Deus ad mulierem quare hoc fecisti quae respondit serpens decepit me et comedi |
| Translate this sectio |
| 14 | et ait Dominus Deus ad serpentem quia fecisti hoc maledictus es inter omnia animantia et bestias terrae super pectus tuum gradieris et terram comedes cunctis diebus vitae tuae |
| Translate this sectio |
| 15 | inimicitias ponam inter te et mulierem csg75.5 et semen tuum et semen illius ipsa conteret caput tuum et tu insidiaberis calcaneo eius |
| Translate this sectio |
| 16 | mulieri quoque dixit multiplicabo aerumnas tuas et conceptus tuos in dolore paries filios et sub viri potestate eris et ipse dominabitur tui |
| Translate this sectio |
| 17 | ad Adam vero dixit quia audisti vocem uxoris tuae et comedisti de ligno ex quo praeceperam tibi ne comederes maledicta terra in opere tuo in laboribus comedes eam cunctis diebus vitae tuae |
| Translate this sectio |
| 18 | spinas et tribulos germinabit tibi et comedes herbas terrae |
| Translate this sectio |
| 19 | in sudore vultus tui vesceris pane donec revertaris in terram de qua sumptus es quia pulvis es et in pulverem reverteris |
| Translate this sectio |
| 20 | et vocavit Adam nomen uxoris suae Hava eo quod mater esset cunctorum viventium |
| Translate this sectio |
| 21 | fecit quoque Dominus Deus Adam et uxori eius tunicas pellicias et induit eos |
| Translate this sectio |
| 22 | et ait ecce Adam factus est quasi unus ex nobis sciens bonum et malum nunc ergo ne forte mittat manum suam et sumat etiam de ligno vitae et comedat et vivat in aeternum |
| Translate this sectio |
| 23 | emisit eum Dominus Deus de paradiso voluptatis ut operaretur terram de qua sumptus est |
| Translate this sectio |
| 24 | eiecitque Adam et conlocavit ante paradisum voluptatis cherubin et flammeum gladium atque versatilem ad custodiendam viam ligni vitae |
| Translate this sectio |