Caput 2 HIDE LINKS TO MANUSCRIPTS HIDE TRANSLATION LINKS
| 1 | igitur perfecti sunt caeli csg75.4 et terra et omnis ornatus eorum |
| Translate this sectio |
| 2 | conplevitque Deus die septimo opus suum quod fecerat et requievit die septimo ab universo opere quod patrarat |
| Translate this sectio |
| 3 | et benedixit diei septimo et sanctificavit illum quia in ipso cessaverat ab omni opere suo quod creavit Deus ut faceret |
| Translate this sectio |
| 4 | istae generationes caeli et terrae quando creatae sunt in die quo fecit Dominus Deus caelum et terram |
| Translate this sectio |
| 5 | et omne virgultum agri antequam oreretur in terra omnemque herbam regionis priusquam germinaret non enim pluerat Dominus Deus super terram et homo non erat qui operaretur terram |
| Translate this sectio |
| 6 | sed fons ascendebat e terra inrigans universam superficiem terrae |
| Translate this sectio |
| 7 | formavit igitur Dominus Deus hominem de limo terrae et inspiravit in faciem eius spiraculum vitae et factus est homo in animam viventem |
| Translate this sectio |
| 8 | plantaverat autem Dominus Deus paradisum voluptatis a principio in quo posuit hominem quem formaverat |
| Translate this sectio |
| 9 | produxitque Dominus Deus de humo omne lignum pulchrum visu et ad vescendum suave lignum etiam vitae in medio paradisi lignumque scientiae boni et mali |
| Translate this sectio |
| 10 | et fluvius egrediebatur de loco voluptatis ad inrigandum paradisum qui inde dividitur in quattuor capita |
| Translate this sectio |
| 11 | nomen uni Phison ipse est qui circuit omnem terram Evilat ubi nascitur aurum |
| Translate this sectio |
| 12 | et aurum terrae illius optimum est ibique invenitur bdellium et lapis onychinus |
| Translate this sectio |
| 13 | et nomen fluvio secundo Geon ipse est qui circuit omnem terram Aethiopiae |
| Translate this sectio |
| 14 | nomen vero fluminis tertii Tigris ipse vadit contra Assyrios fluvius autem quartus ipse est Eufrates |
| Translate this sectio |
| 15 | tulit ergo Dominus Deus hominem et posuit eum in paradiso voluptatis ut operaretur et custodiret illum |
| Translate this sectio |
| 16 | praecepitque ei dicens ex omni ligno paradisi comede |
| Translate this sectio |
| 17 | de ligno autem scientiae boni et mali ne comedas in quocumque enim die comederis ex eo morte morieris |
| Translate this sectio |
| 18 | dixit quoque Dominus Deus non est bonum esse hominem solum faciamus ei adiutorium similem sui |
| Translate this sectio |
| 19 | formatis igitur Dominus Deus de humo cunctis animantibus terrae et universis volatilibus caeli adduxit ea ad Adam ut videret quid vocaret ea omne enim quod vocavit Adam animae viventis ipsum est nomen eius |
| Translate this sectio |
| 20 | appellavitque Adam nominibus suis cuncta animantia et universa volatilia caeli et omnes bestias terrae Adam vero non inveniebatur adiutor similis eius |
| Translate this sectio |
| 21 | inmisit ergo Dominus Deus soporem in Adam cumque obdormisset tulit unam de costis eius et replevit carnem pro ea |
| Translate this sectio |
| 22 | et aedificavit Dominus Deus costam quam tulerat de Adam in mulierem et adduxit eam ad Adam |
| Translate this sectio |
| 23 | dixitque Adam hoc nunc os ex ossibus meis et caro de carne mea haec vocabitur virago quoniam de viro sumpta est |
| Translate this sectio |
| 24 | quam ob rem relinquet homo patrem suum et matrem et adherebit uxori suae et erunt duo in carne una |
| Translate this sectio |
| 25 | erant autem uterque nudi Adam scilicet et uxor eius et non erubescebant |
| Translate this sectio |