monumenta.ch > Dicuil > 1
>>> Dicuil, Mensura, 8, II

I SHOW CITATION LINKS

1  Post haec, Tyrrheni maris latitudo, in quot millibus passuum dilatatur, hic scribi congruit, secundum missos Theodosii. Longitudo Syriae ab australi parte minoris Asiae incipit, ac tangens Arabiam et inferiorem Aegyptum finitur. In quo spatio CCCCLXX millia passuum fieri scripserunt. Ipsa est iuxta Syriam latitudo maris Tyrrheni, cui longitudo ab insulis Gadibus usque ad Syriam amplior extenditur quam longitudo Europae et Africae. 2  Insula Cyprus in Cosmographia CLXXV millia habere in longitudine legitur, et latitudine CXXV mil. passuum; et Creta in longitudine CLXXII, ab oriente in occidentem; atque in latitudine L mil. passuum.