| Panditur hinc pelagus, tumidaque Propontide fervet Ad boream: saxisque viget Proconesus in illa. Est etiam laevia Euxini partibus una, Quam Leucen perhibent adversa Borysthenis amni, Pascit aves quoniam multas candore nivali. Hic animas perhibent heroum laude potentes Degere securas, virtutis munere pulchro. Cimmerium recta sed si quis Bosporon ibit, Cernitur huic dextra vastae Maeotidis undae Insula mole gravis stans, Alopecea lata, Postquam Phaenagoren Hermonassamque nepotes Egregiae quondam coluerunt gentis Ionum. |