monumenta.ch > Dicuil > 10
Dicuil, Mensura, 7, IX <<<     >>> XI

X SHOW CITATION LINKS

1  Idem Iulius in eodem praedicti pene voluminis fine, aliquas nominatim de Rubri maris insulis ostendit, dicens: In occidentali mari Persidis Solis est insula rubens, omni animantium generi inaccessa; quippe quae omne animal inlatum perimit. 2  Idem paulo post hoc, in fine sui libri: "Ex Arabicis insulis, quas Ascitae Arabes habent, dicunt esse insulam cui Erenata datum nomen: nam, bubaleis utribus contabulatas crates superponunt, vectatique hoc ratis genere, praetereuntes infestant sagittis venenatis.