monumenta.ch > Dicuil > 6
Dicuil, Mensura, 6, V <<<     >>> VII

VI SHOW CITATION LINKS

1  Idem Iulius post multa: Maximi in India amnes Gange et Indus, quorum Gangen quidam fontibus incertis nasci, et Nili modo exsultare contendunt; alii volunt a Scythicis montibus exoriri. Hyphasis etiam ibi nobilissimus fluvius, qui Alexandri Magni iter terminavit, sicuti arae in ripa eius positae probant. Minima Gangis latitudo per VIII m. passuum, maxima per XX patet. Longitudo CCCCLIII m.p.; altitudo, ubi vadosissimum est, mensura C pedum devorat. 2  Idem paulo post: In Gange insula est populissima amplissimam continens gentem, cuius rex peditum L millia, equitum IIII millia in armis habet. Omnes sane, quicumque praediti sunt regia potestate, non sine maximo elephantorum, equitum etiam, peditumque numero militarem agitant disciplinam.