monumenta.ch > Dicuil > 1
>>> Dicuil, Mensura, 2, II

I SHOW CITATION LINKS

1  Asiae pars citerior finitur ab Oriente, finibus Asiae superioris; ab Occidente, Graecia; a Septentrione, mari Aegeo; a Meridie, Cretico et Carpathico. Longitudo, m. p. DCC; latitudo, CCCC. 2  Asiae pars superior finitur ab Oriente, Armenia Minore; ab Occidente, finibus Phrygiae, Lycaoniae, Pamphyliae; a Septentrione, provincia Pontica; a Meridie, mari Pamphylico quod inter Cyprum et Ciliciam est. Longitudo, m. pm. DXXX; latitudo, CCCXX, iuxta Plinium Secundum in quinto: 3  Et quae proprie vocatur Asia, in duas eam partes Agrippa divisit. Unam inclusit ab Oriente, Phrygia, Lycaonia; ab Occidente, mari Aegeo; huius longitudinem CCCCLXX m.p., latitudinem CCCXX fecit. Alteram determinavit ab Oriente, Armenia Minore; ab Occidente, Phrygia, Lycaonia, Pamphylia; a Septentrione, provincia Pontica; a Meridie, mari Pamphylico. Longitudinem DLXXV m.p., latitudinem CCCXXV.