monumenta.ch > Dicuil > 2
Dicuil, Mensura, 1, I <<<     >>> III

II SHOW CITATION LINKS

1  Gallia Comata cum insulis Britannicis finitur ab Oriente, flumine Rheno; ab Occidente, Pyrenaeo; a Septentrione, Oceano mari; a Meridie, Rhodano et montis Cebennicis. Longitudine DCCCCXXVIII millia, latitudine CCCLXIII millia. Iuxta Plinium Secundum in quarto libro : in longitudinem DCCCCXX millia, in latitudinem CCCVIII millia. 2  Provincia Narbonensis finitur ab Oriente, Alpibus; ab Occidente, saltu Pyrenaeo; a Septentrione, finibus Viennensium et montibus Cebennicis; a Meridie, mari Gallico. Longitudo millia pass. CCCXXXIV, latitudo CLXXXVIIII, iuxta Plinium Secundum in eodem : longitudinem provinciae Narbonensis CCCLXX millia, Agrippa tradidit; latitudinem CCCXLVIII millia.