monumenta.ch > Aurelius Victor > 69
Aurelius Victor, de Viris Illustribus, LXVIII <<<     >>> LXX

Caput LXIX SHOW LINKS TO MANUSCRIPTS

1  Lucius Cornelius Cinna flagitiosissimus rempublicam summa crudelitate vastavit. 2  Primo consulatu legem de exulibus revocandis ferens ab Octavio collega prohibitus et honore privatus urbe profugit vocatisque ad pilleum servis adversarios vicit, Octavium interfecit, Ianiculum occupavit. 3  Iterum et tertio consulem se ipse fecit. 4  Quarto consulatu cum bellum contra Syllam pararet, Anconae ob nimiam crudelitatem ab exercitu lapidibus occisus est.