monumenta.ch > Aurelius Victor > 63
Aurelius Victor, de Viris Illustribus, LXII <<<     >>> LXIV

Caput LXIII

1  Quintus Metellus Pius, Numidici filius, Pius, quia patrem lacrimis et precibus assidue revocavit, praetor bello sociali Q. Popedium Marsorum ducem interfecit. 2  Consul in Hispania Herculeios fratres oppressit, Sertorium Hispania expulit. 3  Adolescens in petitione praeturae et pontificatus consularibus viris praelatus est.