monumenta.ch > Aurelius Victor > 45
Aurelius Victor, de Viris Illustribus, XLIV <<<     >>> XLVI

Caput XLV

1  Marcus Marcellus Viridomarum, Gallorum ducem, singulari proelio fudit. 2  Spolia opima Iovi Feretrio tertius a Romulo consecravit. 3  Primus docuit, quomodo milites cederent nec terga praeberent. 4  Hannibalem apud Nolam locorum angustia adiutus vinci docuit. 5  Syracusas per tres annos expugnavit. 6  Et cum per calumniam triumphus a senatu negaretur, de sua aententia in Albano monte triumphavit. 7  Quinquies consul insidiis Hannibalis deceptus et magnifice sepultus. 8  Ossa Romam remissa a praedonibus intercepta perierunt.